هتتعرفوا فى المقالة دى عن حاجة مهمة جدا وهى كيفية عمل استهداف ناجح فى اعلان ممول على الفيس بوك لأى خدمة أو منتج.

كلنا بنسعى سعى كامل على اننا نختار الناس المستهدفة أو بالمعنى الدارج عند الفيسبوك الجمهور المستهدف لحملتى الأعلانية الناجحة 

ودايما بنسأل أختار مثلا لو انت بتبيع خدمة أنشاء المواقع ( أختار تصميم موقع الكترونى على منصة الوردبريس مفتوحة المصدر ولا أختار تصميم موقع وردبريس ولا أختار عمل موقع على الأنترنت ولا أختار أنشاء متجر ألكترونى على شوبيفاى والخ الخ….)

خلينى أقلك مفيش شخص يقدر يقلك أختار ده أو ده 

أنت ال بتحدد الجمهور المستهدف لحملتك الأعلانية بنفسك عشان لما تجرب أكثر من مرة وتفشل, تعرف تعمل استهداف ناجح

وليس بالضرورة انك تستهدف الفئة من الجمهور المباشر ال أنت شايفه مهتم بالخدمة ال أنت بتبيعها

لأن الأختلاف فى أختيار الجمهور المستهدف على الفيسبوك لحملتك الأعلانية دايما مطلوب وده بيتحدد اذا كنت بتبيع خدمة غالية أو رخيصة

فحاول دايما أنك تختار الجمهور المباشر والجمهور المشابة ال ممكن يكون مهتم بخدمتك وتخليهم دايما فى حملتك الأعلانية

أعرف أكثر عن طريقة عمل اعلان ممول على الفيسبوك

مثال للجمهور المشابة لخدمتك لعمل استهداف ناجح مناسب من أول اعلان

ال ممكن يشترى منك موقع الكترونى أو تصميم متجر الكترونى ممكن يكون مهتم بتصميم أبليكشن على منصة الأندرويد أو الأبل ستور

فتختار على سبيل المثال جمهور (تصميم أبليكشن أندرويد)

ممكن ال يسجل عندك بياناتة بيحث مثلا عن نظام أدارة العملاء لموقعة أو متجره الألكترونى وهكذا

ممكن ال أنت بتبيعلة كورس تسويق الكترونى على منصات التواصل الأجتماعى يكون بيبحث عن أفضل نظام لترتيب التاسكات للتيم الخاص بيه 

فاالخلاصة فى الجمهور المشابة 

أبحث دايما فى خيالك عن الشخص ال ممكن يكون بيحتاج خدمة كذا يكون دايما مهتم بخدمة كذا

ودائما قوم بتقسيم الجمهور الى شرائح وصفات وسلوك عشان تسهل على نفسك موضوع اختيار الجمهور فى حملتك الأعلانية

أبحث فى خانة الأقتراحات على الفيسبوك فى أنشاء حملتك الأعلانية

لما بتقوم بأختيار جمهورك المباشر , الفيسبوك من تلقاء نفسة بيظهرلك الأقتراحات لهذا الجمهور

ودائما بتبقى قائمة عن أقرب الشرائح والسلوك والصفات

لأن خوارزميات الفيسبوك فى تحديد الجمهور مبنية على طريقة معقدة جدا فى تحليل جمهورة

فبالتالى أنت متقدرش تجيب كل الجمهور المشابة

المتوقع من جمهورك المباشر أكتر منه وده لأن الفيسبوك أدرى منك بكتير بعملائه

كيفية أختيار الجمهور القريب من خلال أنشاء حملتك الأعلانية لعمل استهداف ناجح

عشان تبقى ضامن بنسبة كبيرة أن الجمهور المقترح عليك من الفيسبوك فعلا مهتم ايضا بالخدمة ال بتقدمها لجمهورك المستهدف المباشر 

فا الفيسبوك عامل تقنية ذكية جدا وهى ال جمهور القريب ,  على سبيل المثال : لو أنت مختار جمهورك المستهدف المباشر

( تصميم متجر الكترونى , تصميم موقع على الأنترنت ) وبعدين تضغط على زر الجمهور القريب وتقوم بوضع فيه ( عمل مشروع مربح على الأنترنت )

هيفهم الفيسبوك أنك محتاج الجمهور ال بيدور على خدمة تصميم موقع على الانترنت او تصميم متجر الكترونى على الانترنت

ويكون مهتم برده بفكره الربح من الأنترنت كده أنت ضربت 100 عصفور بحجر واحد ياصديقى

ولكن لو استهداف لجمهورك المباشر فقط بالكلمات المفتاحية ال فوق فقط كده الفيسبوك هيفهم أنك محتاج تركز على الجمهور ده

بس ولكنه مش هيبقى مهتم بالجمهور ال محتاج يربح أو يكسب من الأنترنت فبالتالى أنت كده خسرت عملاء متوقعين كتير جدا

واعلانك 60% هيظهر لجمهور مستهدف كبير جدا لكنه ممكن ميكونش مهتم فعلا انه يأخد أكشن ويشترى منك الخدمة ,

بيبقى جمهور مجرد بيبحث وخلاص على الانترنت على تصميم موقع الكترونى ومش مهتم او معندوش ميزانية انه يعمل بيزنس على الانترنت

أستبعاد العاملين بنفس مجالك من الحملة الأعلانية 

دايما  الاستهداف في الفيس بوك علشان برده تكون فاهم , ليه أصول ومن ضمنها

لازم تستبعد الجمهور ال بيشتغل نفس خدماتك من حملتك الاعلانية لان كلهم زيك بيدورا على عملاء

فبالتالى هما مش مهتمين بأعلانك بل بالعكس أنت ممكن تخسر كتير لو شافوا أعلانك لأن ممكن حد فيهم يسرق بعض افكار محتوى الأعلان

أو حد يعدل بطريقة كويسه على أعلانك وكان منتظر بس يشوف أعلان زية عشان يطور عليه

فبالتالى تكون انت تكلفت فلوس على الفاضى لهذا النوع من الجمهور الغير مرغوب فيه على الاطلاق فى حملتك الأعلانية الناجحة على الفيسبوك

أتباع جميع الأستراتيجات الخاصة بتسريع استهداف الجمهور ؟

حاول دايما تكون دقيق فى أختيار جمهورك يعنى ميكنش بعيد كل البعد عن الخدمة ال انت بتقدمها فى الاستهداف المباشر

يعنى متكنش بتبيع كورس عمل متجر الكترونى وتكتب فى الجمهور المستهدف كيفية عمل البيتزا 😀 

خلى دايما أعلانك هادف وصريح وتكون ذاكر فيه كل المعلومات ال هتجذب عميلك وكأنك بتكتبة لنفسك

لما كنت بتفكر أزاى تعمل موقع الكترونى على الانترنت فكنت محتاج تعرف معلومات ايه عشان تبتدى شغلك وتبنى امبراطورية للربح من الانترنت

علشان تبقى واضح جدا فى تصميم اعلانك لجمهورك المستهدف والمقترح والمشابة ,

درب نفسك على البحث كتير على الناس ال محتاجة خدمتك من خلال الكومنتات او البوستات ال ممكن تلاقيها على الجروبات.

أعرف أكثر عن توقيت نشر البوستات وأسترجاع الحساب ومراسلة الدعم وطريقة الدفع للفيسبوك